Ab tere zikr pe hum baat badal dete hain,

Ab tere zikr pe hum baat badal dete hain,
Kitni raghbat thi tere naam se pehle pehle...

Doobty doobty kashti ko saahil pe uchaal doon ga,

Doobty doobty kashti ko saahil pe uchaal doon ga,
Mein nahi koi to saahil pe utar jaye ga..

Wehshatain Barhti Gayin Hijr Ke Aazaar Ke Saath

Wehshatain Barhti Gayin Hijr Ke Aazaar Ke Saath
Ab Tou Ham Baat Bhi Kartay Nahi Gham Khwaar Ke Saath

Ab Tou Ham Ghar Se Nikaltay Hain Tou Rakh Detay Hain
Taaq Per Izzat-e-Saadaat Bhi Dastaar Ke Saath

Ek Tou Khwaab Lye Phirtay Ho Galyon Galyon
Os Pe Takraar Bhi Kartay Ho Kharidaar Ke Saath

Is Qadar Khauf Hai Os Sheher Ki Galyon Mein Ke Loog
Chaap Suntay Hain Tou Lag Jaatay Hain Deewaar Ke Saath

Ham Ko Os Ehad Mein Taameer Ka Soda Hai Jahan
Loog Maymaar Ko Chun Daitay Hain Deewaar Ke Saath

Is Qadar Musalsal Thee.n Shiddatain Judayi Ki

Is Qadar Musalsal Thee.n Shiddatain Judayi Ki
Aaj Pheli Baar Os Se Mein Ne Bewafaayi Ki

Warna Ab Talak Yun Tha Khwahishon Ki Barish Mein
Ya Tou Toot Kar Roya Ya Ghazal Saraayi Ki

Taj Dia Tha Kal Jin Ko Ham Ne Teri Chaahat Mein
Aaj Un Se Majbooran Taaza Aashnaayi Ki

Ho Chala Tha Jab Bhi Mujh Ko Ikhtilaaf Apnay Aap Se
TU Ne Kis Gharri Zaalim Meri Hamnawaayi Ki ?

Tark Kar Chukay Qaasid Ko-e-Na-Muraada.n Ko
Kon Ab Khabar Laaway Sheher-e-Aashnaayi Ki ?

Dukh Howa Jab Os Dar Pe Kal “Faraz” Ko Dekha
Laakh Aib Thay Os Mein Khuu Na Thi Gadaayi Ki

“Faraz” Ab Koi Sodaa Koi Junoon Bhi Nahi

“Faraz” Ab Koi Sodaa Koi Junoon Bhi Nahi
Magar Qaraar Se Din Kat Rahay Hon Yun Bhi Nahi

Lab-o-Dehan Mila Guftuguu Ka Fun Bhi Mila
Magar Jo Dil Pe Guzarti Hai Keh Sakuun Bhi Nahi

Na Jaanay Kiun Meri Aankhain Barasnay Lagti Hain
Jo Sach Kahuun Tou Kuch Aisa Udaas Hun Bhi Nahi

Wafaa Ke Baab Mein iLzaam-e-Aashiqui Na Lia

Wafaa Ke Baab Mein iLzaam-e-Aashiqui Na Lia
Ke Teri Baat Ki Aur Tera Naam Bhi Na Lia

Khusha Wo Loog Ke Mehroom-e-iLtafaat Rahay
Tere Karam Ko Ba Andaaz-e-Saadgi Na Lia

“Faraz” Zulm Hai Kuch Itni Khud Aitmaadi Bhi
Ke Raat Bhi Thi Andheri, Charaagh Bhi Na Lia 

Aa ke ab tasleem karlen tu nahin to main sahi,..

Aa ke ab tasleem karlen tu nahin to main sahi,..
Kon maaney ga ke hum mein se bewafa koi nahi..

Shair kisi ke hijr main kehnaa , sirf visaal kisi se,

Shair kisi ke hijr main kehnaa , sirf visaal kisi se,
Hum bhi kya hain..!! dheyaan kisi ka aur sawal kisi se..!!

Us ki aankhon ko kabhi ghaur se dekha hai

Us ki aankhon ko kabhi ghaur se dekha hai 

                      " Faraz, "
Roney walon ki taraaah jaagney waalon jesi..!!

Pyar bhi karna

Pyar bhi karna, zamaney se bhi ghabrana bohat,
Aayino’n ka ghar banana aur pathar sochna..!!